Պերմի Հայ Համայնքը հաարակական կազմակերպություն է, որի պաշտոնական անվանումն է «Պերմի Հայկական մշակութային կենտրոն»: Այն հիմնվել է 2000 թ. Սեպտեմբերի 19 - ին: Համայնքի նախագահ է ընտրվել Վաղարշակ Սարգսյանը: Համայնքի հիմնական նպատակն ու խնդիրն է պահպանել հայ դարավոր մշակութային արժեքները և ազգային ինքնատիպությունը Պերմում ապրող հայերի շրջանակներում: «Հայկական մշակութային կենտրոնի» գործունեության հիմնական ուղղություններն են
1. Հայկական կիրակնօրյա դպրոց
Հայկական կիրակնօրյա դպրոցն իրականացնում է ուսումնական ծրագրեր Հայոց լեզվի և Հայ Մշակույթի պահպանման շրջանակներում:
2. «Նոյյան Տապան - Պերմ» լրագրի հրատարակումը - Հայաստանում և Ռուսաստանում, ինչպես և ողջ աշխարհում իրադարձությունների ու փաստերի մասին լրատվական - վերլուծական հոդվածներ: Լրագրի հրատարակումը կրում է մշակութային և կրթական բնութագիր
3. Ազգային տոներին և սովորույթներին նվիրված միջոցառումների կազմակերպում - միջոցառումեր, նվիրված Մեծ Հաղթանակին, Սուրբ Զատիկին և Ամանորին: Քրիստոնեության ընդունման 1700 - ամյակի շրջանակներում միջոցառումների կազմակերպում և անց կացում, մեծ կոմպոզիտոր Արամ Խաչատրյանի ծննդյան 100 - ամյակին նվիրված միջոցառումներ, որոնց շրջանակներում «Կենտրոնական»հյուրանոցի պատին հուշատախտակի տեղադրում: Այնտեղ ապրել և ստեղծագործել է հայ ականավոր կոմպոզիտորը:
4. Հայկական Առաքելական Եկեղեցու կառուցումը Պերմում
5. Երիտասարդական կոմիտեի հետ անցկացվող աշխատանքներ: Հայկական Երիտասարդական կոմիտեն ստեղծվել է հայոց լեզվի և հայ մշակութային արժեքների պահպանման, ինչպես նաև Հայկական դպրոցում անցկացվելիք միջոցառումներին աջակցելու նպատակով: Երիտասարդական կոմիտեի անդամները մասնակցում են համերգներին ու միջոցառումներին, անց են կացնում մշակութային- ճանաչողական հանդիպումներ, սեմինարներ, կազմակերպում են բազմաշնորհ երեխաների աշխատանքների ցուցահանդեսներ, Պերմի այլ երիտասարդական կոմիտեների հետ կլոր սեղաններ:
6. Մի շարք ծառայությունների մատուցում հայ ազգաբնակչությանը – բուժական, իրավական, կրթական:
7. Չերմոզ քաղաքի բարելավման և Պերմի նահանգի հնագույն քաղաքների փառատոնի կազմակերպման հարցերում տեղական ինքնակառավարման օրգանների հետ համագործակցություն: Չերմոզը տեղի հայերի համար ունի պատմական կարևոր նշանակություն: Քաղաքի ստեղծման հիմնակունքներում կանգնած է հանրահայտ Լազարյանների ազնվական ընտանիքը, որը 1747 թվականին հիմնական բնակություն է հաստատել Ռուսաստանում:
8. Համագործակցություն այլ ազգային կազմակերպությունների հետ :
Մշակութային և հասարակական միջոցառումների համատեղ անցկացում այլ ազգային կազմակերպություների հետ, էթնիկական խնդիրներին և ազգային հարցերին նվիրված կոնֆերանսներին մասնակցությունը: 2011թ. հունվարի 26 - ին Պերմի Հայ Համայնքը տոնեց իր ստեղծման 10 - ամյա հոբելյանը: Տոնին նվիրված շքեղ միջոցառմանը ներկա էին Պերմի Երկրամասի նահանգապետը, պաշտոնյա հյուրեր Հայաստանից և Հայկական Առաքելական Եկեղեցու ներկայացուցիչներ: Պերմի Հայ Համայնքը պարգևատրվեց շնորհակալագրերով և դիպլոմներով: Համայնքի ղեկավար Վաղարշակ Սարգսյանը պարգևատրվեց Սփյուռքի Նախարարության ոսկե շքանշանով:
Սրճարան և ռեստորան
|
Արտադրամաս
|
Տուրիզմ ԲԱՅԱԶԵՏ
|
Հայաստանի պատմություն
|
