Խաչակնքումը խորհրդանշում է քրիստոնյաների հավատը, որ Խաչի վրա Փրկիչը հաշտեցրել է մարդկանց Աստծո հետ և, որ Քրիստոսի Խաչը ոչնչացնում է սատանայի ուժը: Քրիստոնյաները հավատում են նաև, որ Քրիստոսի խնդրանքով նրանք Աստծուց պարգև են ստանալու և Խաչը փրկելու է իրենց գայթակղություններից և սատանայի չար ուժից:
Ամեն անգամ աղոթելիս, հայերը միացնում են աջ ձեռքի երեք մատները (բթամատ, ցուցամատ և միջնամատ): Նախ հպում են ճակատին, ասելով «Հանուն Հոր», ապա կրծքից քիչ ներքև «և Որդվո», ապա ձախ ուսին «և Հոգվույն», հետո աջ ուսին «Սրբոյ»: Ամենավերջում, ի հաստատումն, ձեռքը դնում են կրծքին և արտաբերում «ԱՄԵՆ», այսինքն խաչակնքում են ՀՈՐ, ՈՐԴՈՒ և ՍՈՒՐԲ ՀՈԳՈՒ անունով:
Սրճարան և ռեստորան |
Արտադրամաս |
Տուրիզմ ԲԱՅԱԶԵՏ |
Հայաստանի պատմություն |